Murthy mein dard aur pyar ka sagar tha bhara,
uski saundaryeta ki thi apni ek vyatha,
na socha tha kabhi ki is nikhri hui murthy ki bhi apni hi hogi ek katha,
jane anjane mein, uski saundaryeta hi bani uske liye saja,
Murthikar ne, na sirf murthy ko tarasa tha apni kalpana se,
per usko diya tha aisa rup jo woh na thi,
rup uska nikhar to aaya tha auro ki nazar mein,
Nikharne ki pratha mein, jo ghav murthy ne sahe the,
woh murthy ke aatma mein dard bankar chupe the,
mere chute hi, toot ke bikhar gayee woh,
Na mein samjh paya, na uske apne pyar ne,
dard itna gayrah tha, ki siskiya sunli bejan dewaro ne.
Murthy ke ashim pyar ki,
Muthikar ke ikrar ki,
aur aatma pe lage ghav ki,
gawahi de rahe thi pas mein pade auzar bhi.
Jane anjane mein Murthikar ki kalpana per kisi aur ka hogaya tha vas,
badle hua rup ne murthy ko kar diya tha niswas,
dam ghoot raha tha uska, kyonki uske pyar ne hi kiya tha use be-awaj.
Na chapi thi ye baat kisi akbar mein,
na suni thi uske Apne pyar ne,
rahgir ki tarah tha mein bhatak raha,
anjane mein sunli meine ye bate auzar se.
Puchne pe pata chala,
auzar ne suni thi murthy ke dard ki siskiya murthikar ke har ghav pe,
Dard is bat ka na tha, ki auzoron se chot lag rahi thi use,
Dard to is bat ka tha, ki Murthy ko nikharne ki junoon mein,
use gav denewala uska apna pyar tha,
kaise kahoon woh aur koi nahi, uska murthikar tha.
Har var per, Sehne ki shakti usko kaha se mili sochte the auzar bhi,
per Aaj samjh mein aaya hai unhe,
ki uski shanshilta chupi thi uski ashim pyar mein,
Murthy anjan na thi is haqeqat se,
ki murthikar ki nazaro mein woh kai rachnao mein se, bas ek rachna thi,
Sansar mein chupi hui uski kayee kalpanao mein se, ek kalpana thi,
jiska mol lag chuka tha, usko kharidhne wala aur koi nahi, mein tha.
hum pyar ka dawa karte rah gaye, per woh pyar karti chali gayee
Hum kehte rah gaye, woh bin kahe sahti chali gayee
Ye bat Murthikar ko kon bataye!
murthy ke dil ka hal kholkar, Murthikar ko kon samjaye,
yehi bat mere dil ko khaye ja rahi thi, Ki itne mein murthikar khud rote-bikhlate aaya, apne pijhle janam ke adhore pyar ka abhi-abhi use aihsas hua tha,
Woh ye jaan gaya tha, murthy uski ek kalpana nahi, uska adhoora pyar tha,
Is aihsas se, murthy mein jeevan ka vas hua,
sarmate hua ho, murthikar ke gale lag gayee,
is bat se dang aur khush hogaya murthikar,
per pal bhar mein, Uske chahre per kuch pane ki khushi aur kuch khone ka gum, dono hi ek sath chalak aaya.
Kaise kehta woh, us intezar ki murthy se, janmo ki pyasi uske pyar ko,
ki uski zindagi mein kisi aur ne kar liya tha basera,
Pyar murthy ka phir ek bar reh janewala tha adoora.
Ye bat na jane kyon mere dil ko de rahi thi sukun
Sayyad, mujhe bhi hogaya tha pyar usse,
door.. koi kiran mere sapne ko umid ki hawa de rahi thi,
aisa laga jaise kainat bhi meri khwaesoh ko pura karne mein lagi thi,
kaise door reh sakta tha, apne hi murthy se,
Kaise dekh sakta tha, use kisi aur ka hote dekhkar.
Murthy ko murthikar ki vyatha samaj mein aa gayee thi,
phir ek bar, uska pyar dafan hone ko tha,
Uska intazar ab ek janam aur rone ko tha,
Woh puchti rahi kudha se, jab intazar tha aur baki,
kyon dali jaan mujme? kyon diya aihsas mujhe?
yehi kehte hue, woh meri taraf doli, pas aakar boli;
"tum jite! mein hari!
bhujalo apni har pyas ko!!
kar do mujhe niswas!!
mar do mere har aihsas ko!!
itna kar mujhpar var!!
ki toot kar phir na jood paoo mein aaj!!"
Uski ye bat kar gayee ghayal mujhe,
na samji thi woh mujhe, is bat ka hogaya tha mujhe aihsas,
Kaise samjatha use, vasna ke adhin na tha mera aihsas uske liye,
Mera dil pakh hokar bhi, use bhog-vilas ka aihsas dilata tha,
Kaise samjata use ki, meri nazar uske sarmasar badan mein na thi gadi,
per mera pyar uske dard mein itna tha dooba,
mujhe is bat aihsas kabhi hua hi nahi, ki sarmasar ho rahi thi woh kabhi,
jo khojhta tha mein har gali,
sab kuch kyon khudha ne tujmein hi bhari,
na samaj pa raha tha, ishara kudha ka,
isliye kabhi na thi, nazre meri tujhper se hati.
Jis bat ko mein khudh bhi na samjh saka tha,
use mein apni jaban se kaise use samjata,
bat dil ki thi, uski manjoori ki thi,
chukar use apne baho mein kaise bhar leta.
Uske katile sabdo ne, mujhe stamb kar diya,
jine ka aihsas mujhme jo tha, use dafna kar diya,
ab to bas maut ka intazar kar sakta tha,
ki ek choti si khushbhu aaye, khoshiyon ki lehar de gayee is nirjiv man ko,
"pyar se badkar sansar hai" ye bat fus-fusa gaye mere kano mein.
Is janam, mein uska ho saku, ye mumkin nahi,
per usko, uske pyar ka kar saku itna to mere hath mein tha,
Mila mein murthikar ke is janam ke pyar se,
dilaya aihsas use, murthy ke janmo ke intazar ka,
murthy ke is asim intazar ka, unke pakh pyar ka,
sunkar jise, ankhen uski nam hogaye,
usne bhi liya ek pran, mila kar rahegi unhe,
chahe badalna pade use murthikar ka man,
is pran se hokar magan kah gaya mein use,
tere mere qurbani se ho sakta unka milan,
woh 'has' kar boli, qurbani ki kya jaroorat nahi,
pyar se jab ho sakta hai milan,
samaj na saka mien uska man,
sochta raha kaise hoga pyar se pura uska pran,
soch meri her pehloon ko nap-tol rahi thi,
ki usne keh di aisi bat jisse mein hogaya stamb,
'karoge sadi mujhse',
'raho gaye mere sang is janam',
'kyon ki, intazar to aise bhi karna hoga humko agle janam tak',
'to kyon vyarth jane de hum is janam ko,'
Bat mein uske samarpan tha, samajdhari thi,
dono ko tha adhoore pyar ke dard ka aihsas,
Is milan se, murthy aur murthikar bhi ho sakta the ek,
Humare sansarik bandhano se ho sakta tha, unka sampoorn milan.
Bat khatma hui, khatma hua muthy ka intazar,
milan ki bela aaye, khile phool humare bhi sansar mein,
kon kar raha hai kiska intazar, hum sab bhool gaye,
na aab tha kisi kaynat ka ishara,
na thi bhookh pyar ki,
pyas jo bhi thi dabi humme,
behne lagi thi banke ek nadi ki dhara,
Waqt kaha baha legaya hume,
hume thi na khabar,
per kabhi-kabhi ek hawa ka jhoka, yad dilata hume apne adhore pyar ki,
umid kahi na kahi thi humme,
ki waqt hume bhi milayega apne-apne pyar se.
